Германија нуди 3000 евра за да си одите од кај што сте дошле - Немачка!
Објавено на
Германија им нуди на мигрантите 3.000 евра за да заминат во нивните земји
Германија ќе ги поддржи одбиените баратели на азил кои доброволно ќе се вратат во своите матични земји со еднократна исплата од 3.000 евра, во рамките на новата програма.
Министерството за внатрешни работи на Германија соопшти дека мигрантите кои ги исполнуваат условите можат да се пријават до 28 февруари, а парите ќе ги добијат по враќањето во нивната држава.
Мигрантите кои ќе се согласат да се вратат во своите домови пред донесувањето на одлуката за барање на азил, претходно им беше нудено по 1.200 евра, а на децата 600 евра, во рамките на посебната програма.
Сега тие можат да конкурираат за двете програми.
Во досегашната програма за повратниците, од февруари до октомври учествувале 8.639 мигранти, додека во Германија има околу 115.000 одбиени баратели на азил, наведува германскиот неделник Билд ам Зонтаг. Многумина од нив не ни можат да бидат депортирани од хуманитарни причини.
КОМЕНТАРИ