Некст тајм овој понеделник ќе го промовираат долгоочекуваниот спот за песнната " Ја излези, Ѓурѓо", која како автор ја потпишува музичарот Никола Мицевски. Станува збор за народна песна, од која браќата очекуваат многу.
Ваква песна и ваков спот се уште нема на овие простори. Не дека производот е наш и се фалиме, но верувајте дека навистина е така. Спотот го снимавме четири дена и во него има неверојатна приказна. По година и кусур пауза, решивме да се вратиме на музичката сцена со нешто бомбастично и се надевам дека на публиката ќе и се допадне ова што го сработивме", вели Стефан.
На промоцијата освен што ќе се претстави спотот, тие планираат да одржат и анплагд концерт на кој ќе ги испеат сите свои најголеми хитови.
Ова е промоција што ја правиме за фановите. Затоа ги покануваме сите кои ја слушаат нашата музика да повелат и да уживаат во дружбата со нас. Заедно ќе пееме, ќе свириме и ќе се дружиме неколку часа", додаде пејачот.
По Нова година браќата ќе го промовираат спотот и во Белград, каде потпишаа договор со продукциската куќа на текстописката Марина Туцаковиќ.
Снимивме еден сингл и спот на српски јазик, а наскоро ќе снимиме уште неколку. По празниците планираме да направиме голема промоција и таму, но се по ред. Имаме продукциска куќа која стои зад нас и се надеваме дека ќе успееме да оствариме успех и надвор од нашите граници", вели Стефан.